ക്രോയിഡോണിന് ആവേശമായി ശ്രീ അശോക് കുമാർ നേതൃത്വം നല്കിയ  മാരത്തോൺ ചാരിറ്റി ഇവൻറ്  – UKMALAYALEE

ക്രോയിഡോണിന് ആവേശമായി ശ്രീ അശോക് കുമാർ നേതൃത്വം നല്കിയ  മാരത്തോൺ ചാരിറ്റി ഇവൻറ് 

Sunday 19 May 2019 11:19 PM UTC

ലണ്ടൻ May 20 : സമൂഹത്തിൽ നന്മയുടെയും  സ്നേഹത്തിന്റെയും അതോടൊപ്പം സഹായത്തിന്റെയും സന്ദേശമുൾക്കൊള്ളിച്ചുകൊണ്ട്  കഴിഞ്ഞ കുറെ വർഷങ്ങളായി നടത്തി വന്നുകൊണ്ടിരുന്ന  മാരത്തോൺ ചാരിറ്റി ഇവൻറ് ഈ വർഷവും ക്രോയ്‌ഡോണിലെ ലാൻഫ്രാങ്ക് അക്കാഡമി ഓഡിറ്റോറിയത്തിൽ വെച്ചു നടത്തി.
മാരത്തോൺ ചരിത്രത്തിൽ ആദ്യമായി ആറു മേജർ മാരത്തോൺ പൂർത്തിയാക്കിയ ആദ്യ മലയാളികൂടിയായ ശ്രീ അശോക് കുമാർ നേതൃത്വം നൽകുന്ന ഈ ചാരിറ്റി സംഘടന ഈ കഴിഞ്ഞ കുറെ വർഷങ്ങളായി തങ്ങളുടെ ചാരിറ്റി പ്രവർത്തനവുമായി മുന്നോട്ടുപോകുകയാണ് .

ഈ കഴിഞ്ഞ ചുരുങ്ങിയ കാലയളവിൽ 16000 പൗണ്ടിൽ അധികം സമാഹരിക്കുകയും ആക്ഷൻ അഗൈനിസ്റ് ഹങ്ഗർ പോലെയുള്ള . ചാരിറ്റി സംഘടനക്കു നൽകുന്നതിലൂടെ അത് ലോകത്തിന്റെ വിവിധ ഭാഗങ്ങളിൽ അവശതഅനുഭവിക്കുന്ന ജനവിഭാഗങ്ങൾക്ക് എത്തിച്ചു നൽകുന്നതിനും ഈ കൂട്ടായ്മ്മക്ക് കഴിഞ്ഞു.

ഈ വർഷത്തെ മാരത്തോൺ ഇവൻറ്  ബ്രിട്ടീഷ് ഹാർട്ട് ഫൗണ്ടേഷന്റെ  ധനസമാഹരണത്തിനായിട്ടാണ് നടത്തപ്പെട്ടത് ചടങ്ങ്   ഉത്ഘാടനം ചെയ്‍തത് ആശംസകൾ നേരുന്നതിനായി  ക്രോയ്‌ഡോണിലെ മേയർ Ms Benedatta Khan,   ബ്രിട്ടീഷ് ഹാർട്ട് ഫൌണ്ടേഷൻ റെപ്രെസെന്ററ്റീവ്  ഹീയതേർ കരോൾ   , ക്രോയ്ഡോൺ കൗൺസിലർ Ms മഞ്ജു ഷാഹുൽ ഹമീദ് എന്നിവരോടൊപ്പം ക്രോയ്ഡോണിലേ സാമൂഹിക  സാംസ്കാരിക രംഗങ്ങളിലെ  പ്രമുഖർ പങ്കെടുത്തു .

നമ്മുടെ കൂട്ടായ്മകളെ  സമൂഹത്തിൻറെ വിവിധതലങ്ങളിൽ കോർത്തിണക്കി അതായത്  കലാ, കായികം, സാംസ്കാരികം  അതോടൊപ്പം തന്നെ സാമൂഹിക പ്രതിബദ്ധതയുള്ള ഒരു പുതിയ തലമുറയെ വാർത്തെടുക്കുന്നതിനാണ് തൻറെ ഓരോ പ്രവർത്തനവുമെന്ന്  ശ്രീ അശോക് കുമാർ തന്റെ നന്ദി പ്രകാശനത്തിൽ പറയുകയുണ്ടായി.

മലയാളികൂട്ടയ്മകൾക്കൊപ്പം മറ്റുസംഘടനകളും ഈ പ്രവർത്തനങ്ങളിൽ പങ്കാളികളായപ്പോൾ ശ്രീ അശോക് കുമാറിൻറെ പ്രവർത്തനങ്ങൾക്ക് സമൂഹത്തിന്റെ അംഗീകാരം കൂടിയായിരുന്നു ഈ സായാഹ്നം .

പരിപാടിയുടെ വിജയത്തിനായി പ്രവർത്തിച്ച എല്ലാവരോടുമുള്ള നന്ദി ശ്രീ  അശോക് കുമാർ അറിയിക്കുകയുണ്ടായി. പരിപാടിയിലൂടെ സമാഹരിച്ച തുക ബ്രിട്ടീഷ് ഹാർട്ട് ഫൗണ്ടേഷന്റെ പ്രവർത്തനങ്ങൾക്ക് വേണ്ടി കൈമാറും. അടുത്ത വർഷത്തെ മാരത്തോൺ ഇവെന്റിനായുള്ള  കാത്തിരിപ്പിലാണ് ക്രോയ്ഡോൺ  മലയാളികൾ.

CLICK TO FOLLOW UKMALAYALEE.COM