MALAYALAM NEWS – UKMALAYALEE

Malayalam News

ദുബൈ വിമാനത്താവളം അടച്ചെന്ന്​ വ്യാജപ്രചാരണം

ദുബൈ Feb 7: ദുബൈ വിമാനത്താവളം അടച്ചുവെന്നും പ്രവേശനവിലക്കുണ്ടെന്നും വ്യാജപ്രചാരണം.
Continue reading “ദുബൈ വിമാനത്താവളം അടച്ചെന്ന്​ വ്യാജപ്രചാരണം”

ശബരിമല ആചാരസംരക്ഷണത്തിന്‌ നിയമം; കരട്‌ പുറത്തുവിട്ട്‌ യു.ഡി.എഫ്‌

കോട്ടയം Feb 7 : അധികാരത്തിലെത്തിയാല്‍ ആവിഷ്‌കരിക്കുന്ന ശബരിമല ആചാര സംരക്ഷണ നിയമത്തിന്റെ കരട്‌ യു.ഡി.എഫ്‌. പുറത്തുവിട്ടു. ആചാരങ്ങള്‍ ലംഘിച്ചാല്‍ രണ്ടുവര്‍ഷം തടവുശിക്ഷ വ്യവസ്‌ഥ ചെയ്യുന്നതാണു നിയമം. ആചാരങ്ങളുടെ പരമാധികാരി തന്ത്രിയാണെന്നും മുന്‍ ഡയറക്‌ടര്‍ ജനറല്‍ ഓഫ്‌ പ്രോസിക്യൂഷന്‍ ടി. ആസഫലി തയാറാക്കിയ കരടില്‍ വ്യക്‌തമാക്കുന്നു.
Continue reading “ശബരിമല ആചാരസംരക്ഷണത്തിന്‌ നിയമം; കരട്‌ പുറത്തുവിട്ട്‌ യു.ഡി.എഫ്‌”

എസ്.പി. ബാലസുബ്രഹ്മണ്യത്തിന് പത്മവിഭൂഷണ്‍, കെ.എസ്. ചിത്രയ്ക്ക് പത്മഭൂഷണ്‍

ന്യൂഡല്‍ഹി Jan 25: ഈ വര്‍ഷത്തെ പത്മ പുരസ്‌കാര ജേതാക്കളുടെ പേരുകള്‍ കേന്ദ്രസര്‍ക്കാര്‍ പ്രഖ്യാപിച്ചു. അന്തരിച്ച ഗായകന്‍ എസ്. പി ബാലസുബ്രഹ്മണ്യത്തിനടക്കം 7പേര്‍ക്ക് പത്മവിഭൂഷണ്‍. Continue reading “എസ്.പി. ബാലസുബ്രഹ്മണ്യത്തിന് പത്മവിഭൂഷണ്‍, കെ.എസ്. ചിത്രയ്ക്ക് പത്മഭൂഷണ്‍”

ലണ്ടനില്‍ നിന്ന് തിരിച്ചെത്തിയ നടി ലെന കോവിഡ് പോസിറ്റീവാണെന്ന വാര്‍ത്ത നിഷേധിച്ച്

ബംഗളുരുJan 14: കോവിഡ് പോസിറ്റീവാണെന്ന വാര്‍ത്ത നിഷേധിച്ച് നടി ലെന. സിനിമാ ചിത്രീകരണത്തിനു ശേഷം ലണ്ടനില്‍ നിന്ന് തിരിച്ചെത്തിയതിനു പിന്നാലെയാണ് താരത്തിന് കോവിഡ് പോസിറ്റീവാണെന്ന വാര്‍ത്തകള്‍ വന്നത്.

എന്നാല്‍ ലണ്ടനില്‍ നിന്ന് ആര്‍ടിപിസിആര്‍ ടെസ്റ്റ് നടത്തി നെഗറ്റീവാണെന്ന് സ്ഥിരീകരിച്ച ശേഷമാണ് ഇന്ത്യയിലേക്ക് എത്തിയതെന്ന് താരം പറയുന്നു.

യുകെയില്‍ നിന്നുള്ള യാത്രക്കാര്‍ക്കുള്ള പ്രത്യേക മാനദണ്ഡ പ്രകാരം ബെംഗളുരു ആശുപത്രിയില്‍ ക്വാറന്റൈനീല്‍ കഴിയുകയാണ് താരം.

ബെംഗളുരു മെഡിക്കല്‍ കോളേജ് ആന്‍ഡ് റിസര്‍ച്ച് ഇന്‍സ്റ്റിറ്റ്യൂട്ടിലെ ട്രോമ കെയര്‍ സെന്ററില്‍ ഐസോലേഷനിലാണ് താരം. നതാലിയ ശ്യാം സംവിധാനം ചെയ്യുന്ന ‘ഫ്രൂട്ട്പ്രിന്റ്‌സ് ഓണ്‍ ദ് വാട്ടര്‍’ എന്ന ഇന്തോ-ബ്രിട്ടീഷ് സിനിമയുടെ ഷൂട്ടിങ്ങിനാണ് ലെന ബ്രിട്ടനിലെത്തിയത്.

വളര്‍ച്ച ഇടിഞ്ഞു; കടം പെരുകി: സാമ്പത്തിക അവലോകന റിപ്പോര്‍ട്ട്‌ നിയമസഭയില്‍

തിരുവനന്തപുരം Jan 14: സംസ്‌ഥാനത്തിന്റെ വളര്‍ച്ചാ നിരക്ക്‌ കുത്തനെ താഴേക്ക്‌. 2018- 19 സാമ്പത്തികവര്‍ഷം 6.49 ശതമാനമായിരുന്നത്‌ 2019- 20 വര്‍ഷം 3.45 ശതമാനം മാത്രം. ദേശീയ വളര്‍ച്ചാനിരക്ക്‌ 4.2 ശതമാനമാണ്‌. ഓഖി ചുഴലിക്കാറ്റ്‌, രണ്ടു പ്രളയങ്ങള്‍, കോവിഡ്‌ പ്രതിസന്ധികളാണ്‌ തകര്‍ച്ചയ്‌ക്കു കാരണമെന്നും പറയുന്ന സാമ്പത്തിക അവലോകന റിപ്പോര്‍ട്ട്‌ ധനമന്ത്രി ഡോ. തോമസ്‌ ഐസക്‌ നിയമസഭയില്‍ വച്ചു.

കടബാധ്യത 2,60,311.37 കോടി രൂപയായി ഉയര്‍ന്നു. ആഭ്യന്തര കടം 1,65,960.04 കോടിയാണ്‌. കടത്തിന്റെ വാര്‍ഷിക വളര്‍ച്ച മുന്‍വര്‍ഷത്തെ 11.80-ല്‍ നിന്ന്‌ 10.47 ശതമാനമായി കുറഞ്ഞു.
ആഭ്യന്തര കടം 9.91 % വര്‍ധിച്ചു. ആഭ്യന്തര ഉല്‍പ്പാദനം 5.49 ലക്ഷം കോടി രൂപയില്‍ നിന്ന്‌ 5.68 ലക്ഷം കോടിയായി വര്‍ധിച്ചു.

സംസ്‌ഥാന മൂല്യവര്‍ധന (ജി.എസ്‌.വി.എ) 4.89 ലക്ഷം കോടിയില്‍ നിന്ന്‌ 5.01 ലക്ഷം കോടിയായി. വളര്‍ച്ച നിരക്ക്‌ 6.2 ശതമാനത്തില്‍ നിന്ന്‌ 2.58 ശതമാനമായാണു കുറഞ്ഞത്‌. 19-20 വര്‍ഷത്തിന്റെ ആദ്യ പകുതിയില്‍ പണപ്പെരുപ്പം രൂക്ഷമായി. ആറ്‌ മുതല്‍ ഏഴ്‌ ശതമാനം വരെയായിരുന്നു വര്‍ധന.

കാര്‍ഷിക-അനുബന്ധ മേഖലകളില്‍ വളര്‍ച്ച നെഗറ്റീവാണ്‌. 18-19 സാമ്പത്തിക വര്‍ഷം കാര്‍ഷിക മേഖല മൈനസ്‌ 2.38 ശതമാനമായിരുന്നത്‌ മൈനസ്‌ 6.62 ശതമാനത്തിലേക്കു താണു.
പച്ചക്കറി ഉല്‍പ്പാദനം 23 % വര്‍ധിച്ചു. തൊഴിലില്ലായ്‌മ 11.4 ല്‍നിന്ന്‌ ഒമ്പതു ശതമാനമായി കുറഞ്ഞു.

റവന്യു വരുമാനം 2,629 കോടി കുറഞ്ഞു

സംസ്‌ഥാനത്തെ റവന്യു വരുമാനം 2,629.8 കോടി രൂപ കുറഞ്ഞു. കേന്ദ്ര നികുതിവിഹിതത്തിലും ഗ്രാന്റിലും കുറവുണ്ടായി. തനത്‌ നികുതി വരുമാനം മുന്‍വര്‍ഷം ഒമ്പതു ശതമാനമായിരുന്നത്‌ 19- 20ല്‍ മൈനസ്‌ 0.6 ശതമാനമായി.

റവന്യു ചെലവിന്റെ 74.70 ശതമാനവും ശമ്പളം, പെന്‍ഷന്‍, പലിശ, എന്നിവയ്‌ക്കാണ്‌. മുന്‍വര്‍ഷം ചെലവിന്റെ 28.47 ശതമാനം ശമ്പളമിനത്തിലായിരുന്നത്‌ കഴിഞ്ഞ വര്‍ഷം 30.25 ശതമാനമായി. പെന്‍ഷന്‍ ചെലവ്‌ 17.23 ല്‍ നിന്ന്‌ 18.21 ശതമാനമായി. പലിശ 15.18 ല്‍ നിന്ന്‌ 18.35 ശതമാനമായി വര്‍ധിച്ചു.

സമ്പദ്‌വ്യവസ്‌ഥ ആധുനികവല്‍ക്കരിക്കണം

സംസ്‌ഥാനത്തിന്റെ സമ്പദ്‌വ്യവസ്‌ഥ ആധുനികവല്‍ക്കരിക്കാനുള്ള ശ്രമങ്ങള്‍ അടിയന്തരമായി തുടങ്ങണമെന്നു സാമ്പത്തിക അവലോകന റിപ്പോര്‍ട്ടില്‍ നിര്‍ദേശം. നൂതന ആശയങ്ങളിലും വിജ്‌ഞാനാധിഷ്‌ഠിത വ്യവസായങ്ങളിലും ശ്രദ്ധ കേന്ദ്രീകരിക്കണം. സംസ്‌ഥാനത്തെ പ്രതിശീര്‍ഷ വരുമാനം 1,49,563 രൂപയാണ്‌.
കഴിഞ്ഞ നാലു വര്‍ഷത്തിനിടെ നോട്ട്‌ നിരോധനം, പ്രളയങ്ങള്‍ തുടങ്ങി നിരവധി തിരിച്ചടികളുണ്ടായി. ഗള്‍ഫ്‌ വരുമാനത്തിലെ കുറവും വളര്‍ച്ച മന്ദഗതിയിലാക്കി. കോവിഡും ലോക്ക്‌ഡൗണും മൂലം കാര്‍ഷികോല്‍പ്പന്നങ്ങള്‍, കന്നുകാലി ഉല്‍പ്പന്നങ്ങള്‍, മത്സ്യം എന്നിവയുടെ വില ഇടിഞ്ഞു.

ബജറ്റ്‌ കോവിഡാനന്തര കേരളത്തിനായി: ധനമന്ത്രി

സര്‍ക്കാരിന്റെ ദീര്‍ഘവീക്ഷണത്തോടെയുള്ള നടപടികള്‍ സമ്പൂര്‍ണ സാമ്പത്തിക തകര്‍ച്ചയില്‍നിന്നു സംസ്‌ഥാനത്തെ രക്ഷിച്ചെന്നു ധനമന്ത്രി തോമസ്‌ ഐസക്‌. മറ്റു സംസ്‌ഥാനങ്ങളെ അപേക്ഷിച്ച്‌ ശക്‌തമായ തിരിച്ചുവരവാണ്‌ സംസ്‌ഥാന സമ്പദ്‌ഘടനയിലുണ്ടാകുന്നത്‌. ഇതു കൂടുതല്‍ ശക്‌തിപ്പെടുത്താനും കോവിഡാനന്തര കേരളത്തിനു വഴിയൊരുക്കാനുമായിരിക്കും ഇന്നത്തെ ബജറ്റ്‌ ഊന്നല്‍ നല്‍കുക. ആഭ്യന്തര വരുമാനം 8.22 ലക്ഷം കോടി രൂപയാണ്‌. 1.56 ലക്ഷം കോടി രൂപയുടെ വരുമാന നഷ്‌ടമാണുണ്ടായത്‌.

പ്രിയകവയിത്രി സുഗതകുമാരി ടീച്ചര്‍ ഓര്‍മയായി

തിരുവനന്തപുരം Dec 23: പ്രകൃതിയുടെയും കവിതയുടെയും ഉപാസകയായിരുന്ന, വെന്തുരുകുന്ന മനസുകള്‍ക്കു തണലായിരുന്ന സുഗതകുമാരി ടീച്ചര്‍(86) ഓര്‍മയായി.
Continue reading “പ്രിയകവയിത്രി സുഗതകുമാരി ടീച്ചര്‍ ഓര്‍മയായി”

സിസ്‌റ്റര്‍ അഭയ കൊലക്കേസ്‌ : ഫാ. തോമസ്‌ കോട്ടൂരിന്‌ ഇരട്ടജീവപര്യന്തം, സിസ്‌റ്റര്‍ സെഫിക്കു ജീവപര്യന്തം

തിരുവനന്തപുരം Dec 23 : സിസ്‌റ്റര്‍ അഭയ കൊലക്കേസില്‍ ഒന്നാം പ്രതി ഫാ. തോമസ്‌ കോട്ടുരിന്‌ ഇരട്ട ജീവപര്യന്തം തടവുശിക്ഷ. മൂന്നാം പ്രതി സിസ്‌റ്റര്‍ സെഫിക്കു ജീവപര്യന്തം തടവ്‌. തെളിവു നശിപ്പിക്കലിന്‌ ഇരുവര്‍ക്കും ഏഴു വര്‍ഷം തടവ്‌. ജയില്‍ശിക്ഷ ഒരേ കാലയളവില്‍ അനുഭവിച്ചാല്‍ മതിയെന്നു കോടതി പറഞ്ഞു.
Continue reading “സിസ്‌റ്റര്‍ അഭയ കൊലക്കേസ്‌ : ഫാ. തോമസ്‌ കോട്ടൂരിന്‌ ഇരട്ടജീവപര്യന്തം, സിസ്‌റ്റര്‍ സെഫിക്കു ജീവപര്യന്തം”

സിമെന്റിനും കമ്പിക്കും പൈപ്പിനും ‘പൊന്നുംവില’ ; നിര്‍മാണ മേഖല സ്തംഭിച്ചു

തിരുവനന്തപുരം Dec 15: സാധന സാമഗ്രികള്‍ക്ക് ‘പൊന്നുംവില’ ആയതോടെ സംസ്ഥാനത്ത് നിര്‍മാണ മേഖല സ്തംഭിച്ചു. സിമെന്റിനും കമ്പിക്കും ​പൈപ്പിനും ഉള്‍പ്പെടെ നിര്‍മാണത്തിന് ആവശ്യമായ മുഴുവന്‍ സാധനങ്ങള്‍ക്കും കഴിഞ്ഞ ഒരു മാസത്തിനിടെ ഉണ്ടായത് വന്‍ വിലവര്‍ധനയാണ്.
Continue reading “സിമെന്റിനും കമ്പിക്കും പൈപ്പിനും ‘പൊന്നുംവില’ ; നിര്‍മാണ മേഖല സ്തംഭിച്ചു”

എസ് വി പ്രദീപിനെ ഇടിച്ചിട്ട വാഹനവും ഡ്രൈവറും കസ്റ്റഡിയിൽ

തിരുവനന്തപുരം Dec 15: മാധ്യമ പ്രവര്‍ത്തകന്‍ എസ് വി പ്രദീപിനെ ഇടിച്ചിട്ട വാഹനവും ഡ്രൈവറേയും പോലീസ് കസ്റ്റഡിയിലെടുത്തു. കൊലക്കുറ്റം ചുമത്തിയാണ് ഡ്രൈവര്‍ ജോയിയെ പോലീസ് കസ്റ്റഡിയിലെടുത്തിരിക്കുന്നത്. മോഹനന്‍ എന്നയാളുടെ മകളുടെ പേരിലാണ് അപകടമുണ്ടാക്കിയ ലോറി. ഇയാളെയും കസ്റ്റഡിയിലെടുക്കുമെന്ന് പോലീസ് വ്യക്തമാക്കി. അപകട സമയത്ത് മോഹനനും ലോറിയില്‍ ഉണ്ടായിരുന്നു.
Continue reading “എസ് വി പ്രദീപിനെ ഇടിച്ചിട്ട വാഹനവും ഡ്രൈവറും കസ്റ്റഡിയിൽ”

തദ്ദേശ സ്‌ഥാപന തെരഞ്ഞെടുപ്പിന്റെ ആദ്യഘട്ടം നാളെ: വോട്ടെണ്ണല്‍ 16-ന്‌

തിരുവനന്തപുരം Dec 7 : തദ്ദേശ സ്‌ഥാപന തെരഞ്ഞെടുപ്പിന്റെ ആദ്യഘട്ടം നാളെ. തിരുവനന്തപുരം, കൊല്ലം, പത്തനംതിട്ട, ആലപ്പുഴ, ഇടുക്കി ജില്ലകളിലാണു നാളെ വോട്ടെടുപ്പ്‌. രാവിലെ ഏഴു മുതല്‍ വൈകിട്ട്‌ ആറു വരെയാണു പോളിങ്‌ സമയം. വൈകിട്ട്‌ അഞ്ചു മുതല്‍ ഒരു മണിക്കൂര്‍ കോവിഡ്‌ പോസിറ്റീവായവര്‍ക്കു വോട്ട്‌ ചെയ്യാന്‍ സൗകര്യമൊരുക്കും.
Continue reading “തദ്ദേശ സ്‌ഥാപന തെരഞ്ഞെടുപ്പിന്റെ ആദ്യഘട്ടം നാളെ: വോട്ടെണ്ണല്‍ 16-ന്‌”