MALAYALAM NEWS – Page 68 – UKMALAYALEE

Malayalam News

ബിഷപ്പ് ഫ്രാങ്കോയ്‌ക്കെതിരായ പരാതി: കന്യാസ്ത്രീകളെ അപായപ്പെടുത്താന്‍ ഗൂഢനീക്കം

കോട്ടയം Aug 30: ജലന്ധര്‍ ബിഷപ്പ് ഫ്രാങ്കോ മുളയ്ക്കലിനെതിരായി ബലാത്സംഗ പരാതി നല്‍കിയ കന്യാസ്ത്രീയെയും അവരുടെ സഹപ്രവര്‍ത്തകരെയും അപായപ്പെടുത്താന്‍ ഗൂഢനീക്കം. Continue reading “ബിഷപ്പ് ഫ്രാങ്കോയ്‌ക്കെതിരായ പരാതി: കന്യാസ്ത്രീകളെ അപായപ്പെടുത്താന്‍ ഗൂഢനീക്കം”

ലോട്ടറിയടിച്ച ഒരു ലക്ഷം രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നല്‍കി

തിരുവനന്തപുരം Aug 29: ലോട്ടറിയടിച്ച ഒരു ലക്ഷം രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നല്‍കി കൊല്ലം സ്വദേശി. Continue reading “ലോട്ടറിയടിച്ച ഒരു ലക്ഷം രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നല്‍കി”


തിരുവനന്തപുരം Aug 29: പ്രളയക്കെടുതി നേരിടുന്ന അഞ്ച് ജില്ലകളില്‍ ആരോഗ്യവകുപ്പിന്റെ എലിപ്പനി മുന്നറിയിപ്പ്.
തൃശൂര്‍, പാലക്കാട്, മലപ്പുറം, കോഴിക്കോട്, കണ്ണൂര്‍ ജില്ലകള്‍ക്കാണു മുന്നറിയിപ്പ് നല്‍കിയിട്ടുള്ളത്. പ്രതിരോധമരുന്നുകള്‍ കഴിക്കാന്‍ ആരും മടിക്കരുതെന്നും ആരോഗ്യവകുപ്പ് അറിയിച്ചു.
ശുചീകരണ പ്രവര്‍ത്തനം ഉള്‍പ്പടെ വെള്ളവുമായി സമ്പര്‍ക്കത്തില്‍ വരുന്ന ജോലികളില്‍ ഏര്‍പ്പെടുന്നവരുടെ ശരീരത്തില്‍ മുറിവുകള്‍ ഉണ്ടെങ്കില്‍ ഈ രോഗാണുക്കള്‍ ശരീരത്തില്‍ പ്രവേശിക്കും.
പനി ലക്ഷണം കണ്ടാല്‍ സ്വയം ചികിത്സയ്ക്ക് മുതിരാതെ ആരോഗ്യ കേന്ദ്രങ്ങളില്‍ ബന്ധപ്പെടണമെന്നും ആരോഗ്യവകുപ്പ് നിര്‍ദ്ദേശിച്ചു.
പ്രളയബാധിത പ്രദേശങ്ങളില്‍ ശുചീകരണ പ്രവര്‍ത്തനത്തിന് ഇറങ്ങുന്നവര്‍ ജാഗ്രത പാലിക്കണമെന്നും എലിപ്പനി തടയുന്നതിന് ഡോക്‌സിസൈക്ലിന്‍ ഗുളിക ഉപയോഗിക്കണമെന്ന് മെഡിക്കല്‍ ഓഫീസര്‍മാര്‍ നിര്‍ദ്ദേശിച്ചിട്ടുണ്ട്.
പ്രളയം ബാധിച്ച പ്രദേശത്ത് വെള്ളപ്പൊക്കം കാരണം ഈ രോഗാണുക്കള്‍ എല്ലാ വെള്ളക്കെട്ടുകളിലും എത്താനുള്ള സാധ്യതയുണ്ട് അതുകൊണ്ടു തന്നെ
മുന്‍കരുതലുകളെടുക്കണമെന്നും ആരോഗ്യവകുപ്പ് അറിയിച്ചു.

വേണമെങ്കില്‍ പണമടയ്‌ക്കണമെന്നു കേന്ദ്രം സൗജന്യ മണ്ണെണ്ണ തരില്ല

തിരുവനന്തപുരം Aug 28: പ്രളയബാധിതര്‍ക്കുള്ള അരിക്കു പുറമേ മണ്ണെണ്ണയ്‌ക്കും ഉയര്‍ന്നവില നല്‍കണമെന്നു കേന്ദ്രസര്‍ക്കാര്‍.
കേരളത്തിനു സൗജന്യ അരി നല്‍കില്ലെന്ന കേന്ദ്രപ്രഖ്യാപനത്തിനു പിന്നാലെയാണ്‌ അധിക മണ്ണെണ്ണയ്‌ക്കും സബ്‌സിഡി നല്‍കാനാവില്ലെന്നു കേന്ദ്ര പെട്രോളിയം മന്ത്രാലയത്തിന്റെ അറിയിപ്പ്‌.
12,000 കിലോ ലിറ്റര്‍ മണ്ണെണ്ണയാണു കേരളം കേന്ദ്രത്തോടാവശ്യപ്പെട്ടത്‌. എന്നാല്‍, ഇതിനു സബ്‌സിഡി നല്‍കാനാവില്ലെന്നാണു കേന്ദ്രത്തിന്റെ നിലപാട്‌.
സബ്‌സിഡി കൂടാതെ, ലിറ്ററിന്‌ 70 രൂപയാണു കേരളം നല്‍കേണ്ടിവരുക. സബ്‌സിഡി ലഭിച്ചിരുന്നെങ്കില്‍ ലിറ്ററിന്‌ 29 രൂപ മാത്രം നല്‍കേണ്ട സ്‌ഥാനത്താണിത്‌.
പ്രളയദുരന്തം നേരിടാന്‍ സൗജന്യ അരി അനുവദിക്കാനാവില്ലെന്നു കേന്ദ്ര ഭക്ഷ്യമന്ത്രാലയം സംസ്‌ഥാന ഭക്ഷ്യസുരക്ഷാവകുപ്പിനെ അറിയിച്ചിരുന്നു. അരിക്കു കിലോഗ്രാമിന്‌ 25 രൂപയാണു കേന്ദ്രം ആവശ്യപ്പെട്ടത്‌. ഇതുപ്രകാരം സംസ്‌ഥാനത്തിന്‌ 233 കോടി രൂപയുടെ ബാധ്യതയുണ്ടാകും.
അരി എഫ്‌.സി.ഐ. ഗോഡൗണില്‍നിന്ന്‌ എടുക്കാന്‍ തത്‌കാലം പണം നല്‍കേണ്ട. എന്നാല്‍, കേന്ദ്രം സംസ്‌ഥാനത്തിന്‌ അനുവദിക്കുന്ന ഫണ്ടില്‍നിന്ന്‌ ഈ തുക ഈടാക്കുമെന്നും ഭക്ഷ്യമന്ത്രാലയം അറിയിച്ചിരുന്നു.
സംഭവം വിവാദമായതോടെ, ആദ്യ ഉത്തരവ്‌ പിന്‍വലിക്കുമെന്നു കേന്ദ്രമന്ത്രി രാംവിലാസ്‌ പാസ്വാന്‍ അറിയിച്ചിരുന്നെങ്കിലും ഇതുസംബന്ധിച്ച അറിയിപ്പ്‌ കേരളത്തിനു ലഭിച്ചിട്ടില്ല.
മണ്ണെണ്ണയ്‌ക്കു സബ്‌സിഡി ആവശ്യപ്പെട്ടു പ്രധാനമന്ത്രിക്കും െപട്രോളിയം മന്ത്രാലയത്തിനും സംസ്‌ഥാനസര്‍ക്കാര്‍ വീണ്ടും കത്ത്‌ നല്‍കും.

മുഖ്യമന്ത്രിയുമായി ശശി തരൂര്‍ കൂടികാഴ്ച നടത്തി; കൂടെ നിന്നൊരു സെല്‍ഫിയും

തിരുവനന്തപുരം Aug 28: കേരളത്തിലെ പ്രളയക്കെടുതിയെ കുറിച്ച് സംസാരിക്കാനാണ് ശശി തരൂര്‍ മുഖ്യമന്ത്രിയെ കാണാനെത്തിയത്.
അരമണിക്കൂര്‍ നേരം മുഖ്യമന്ത്രിയുമായി താന്‍ ചിലവഴിച്ചുവെന്നും കേരളത്തിലെ പ്രളയത്തെകുറച്ച് താന്‍ ജനീവയില്‍ നടത്തിയ ചര്‍ച്ചകളെക്കുറിച്ച് സംസാരിച്ചെന്ന കുറിപ്പോടെയാണ് ശശി തരൂര്‍ തന്റെ ഫേസ്ബുക്ക് പേജില്‍ മുഖ്യമന്ത്രിയുമായുള്ള ചിത്രം പങ്കുവെച്ചിരിക്കുന്നത്.
ഇപ്പോള്‍ ഈ ചിത്രമാണ് ഫേസ്ബുക്കിലെ പുതിയ വൈറല്‍.
പ്രളയത്തിന് ശേഷമുള്ള കേരളത്തിന്റെ മുന്നോട്ടുള്ള പ്രയാണത്തെക്കുറിച്ചും തങ്ങള്‍ ചര്‍ച്ച ചെയ്‌തെന്നും ദുരന്തങ്ങള്‍ ആവര്‍ത്തിക്കാത്ത കേരളത്തെ പുനര്‍നിര്‍മ്മിക്കേണ്ട ആവശ്യകത തിരിച്ചറിഞ്ഞെന്നും തരൂര്‍ ഫേസ്ബുക്ക് പോസ്റ്റില്‍ കുറിച്ചു.
തരൂരിന്റെ ഫോട്ടോയ്ക്കായി മുഖ്യമന്ത്രി ചിരിക്കാനും മറന്നില്ല.

പ്രളയത്തില്‍ തകര്‍ന്ന വീടുകള്‍ വാസയോഗ്യമാക്കാന്‍ പലിശരഹിത വായ്പ നല്‍കുമെന്ന് മുഖ്യമന്ത്രി

തിരുവനന്തപുരം Aug 24: പ്രളയത്തില്‍ വീട് നഷ്ടപ്പെട്ടവര്‍ക്ക് വീട് നിര്‍മ്മിക്കുന്നതിന് പലിശരഹിത വായ്പ നല്‍കുമെന്ന് മുഖ്യമന്ത്രി പിണറായി വിജയന്‍. തകര്‍ന്ന വീടുകള്‍ സജ്ജമാക്കുന്നതിന് ഒരു ലക്ഷം രൂപ വരെ പലിശരഹിത വായ്പ നല്‍കും.
കുടുംബനാഥയുടെ പേരില്‍ ബാങ്കുവഴിയാകും സാമ്പത്തിക സഹായം നല്‍കുകയെന്നും മുഖ്യമന്ത്രി വാര്‍ത്താ സമ്മേളനത്തില്‍ വ്യക്തമാക്കി.
നേരത്തെ ദുരിതാശ്വാസ ക്യാമ്പുകള്‍ സന്ദര്‍ശിച്ച മുഖ്യമന്ത്രി അവലോകന യോഗത്തിന് ശേഷമാണ് വാര്‍ത്താ സമ്മേളനം നടത്തിയത്.
കേടുവന്ന ഗൃഹോപകരണങ്ങള്‍ നന്നാക്കുന്നതിനും കര്‍മപദ്ധതി തയ്യാറാക്കുമെന്ന് മുഖ്യമന്ത്രി അറിയിച്ചു. പൂര്‍ണമായി വീട് നഷ്ടപ്പെട്ടവര്‍ക്ക് താമസിക്കാന്‍ സര്‍ക്കാര്‍ സ്ഥലം കണ്ടെത്തും.
ഇതിന്റെ ചുമതല കലക്ടര്‍മാര്‍ക്ക് നല്‍കി. വീട്ടിലേക്ക് മടങ്ങുന്നവര്‍ക്ക് അരിയും പലവ്യഞ്ജനവും അടക്കം അവശ്യ സാധനങ്ങളുടെ കിറ്റ് നല്‍കുമെന്നും മുഖ്യമന്ത്രി അറിയിച്ചു. 2,774 ക്യാംപുകളിലായി 2,78,781 പേര്‍ ഇപ്പോഴും കഴിയുന്നു. 60,593 വീടുകളും 3,67,626 കിണറുകളും വൃത്തിയാക്കിയതായും മുഖ്യമന്ത്രി പറഞ്ഞു.
ദുരിതത്തില്‍ നിന്ന് കരകയറാന്‍ യോജിപ്പും ഒരുമയുമാണ് വേണ്ടത്. പുനര്‍നിര്‍മ്മാണ പ്രവര്‍ത്തനത്തിനാണ് പ്രാധാന്യം. അതിനെ ദുര്‍ബലപ്പെടുത്താനുള്ള ശ്രമം അനുവദിക്കാനാകില്ല.
തര്‍ക്കങ്ങളിലേക്ക് പോയി രാഷ്ട്രീയ പാര്‍ട്ടികള്‍ അതില്‍ നിന്ന് ശ്രദ്ധ പോകാതിരിക്കാന്‍ ശ്രമിക്കണം. എല്ലാ രാഷ്ട്രീയ പാര്‍ട്ടികളും അത് തിരിച്ചറിയണം.
തനിക്ക് ജനങ്ങളും അവരുടെ പ്രശ്‌നങ്ങളുമാണ് വലുത്. ഇത് ആര്‍ക്കുമുള്ള മറുപടിയല്ലെന്നും മുഖ്യമന്ത്രി കൂട്ടിച്ചേര്‍ത്തു.

യുഎഇയുടെ സഹായം നിഷേധിച്ചതില്‍ പ്രവാസികള്‍ക്ക് ദേഷ്യം ; പ്രധാനമന്ത്രിയുടെ പേജിലും മലയാളികള്‍ കലിപ്പ് തീര്‍ത്തു….!!!

ദുബായ് Aug 24: വന്‍ നാശനഷ്ടങ്ങളുമായി സംസ്ഥാനത്ത് കോടികളുടെ നഷ്ടമുണ്ടാക്കി വന്‍ പ്രതിസന്ധിയിലേക്ക് തള്ളിവിട്ട ജലപ്രളയത്തിന് പിന്നാലെ കിട്ടാവുന്ന സഹായവും മുടക്കുന്ന കേന്ദ്ര സര്‍ക്കാര്‍ നടപടിയില്‍ പ്രവാസികളുടെ രോഷം.
700 കോടി സഹായം നല്‍കാനുള്ള യുഎഇ സര്‍ക്കാരിന്റെ നീക്കം വിദേശനയം എന്ന തടസ്സവാദം ഉന്നയിച്ച് തടഞ്ഞിരിക്കുന്ന കേന്ദ്രസര്‍ക്കാരിനോടുള്ള അമര്‍ഷം സാമൂഹ്യ മാധ്യമങ്ങള്‍ വഴിയാണ് പലരും പ്രകടിപ്പിക്കുന്നത്.
പ്രധാനമന്ത്രിയുടേതെന്ന് കരുതുന്ന ഫേസ്ബുക്ക് പേജിലും മലയാളികള്‍ കലിപ്പ് തീര്‍ത്തിട്ടുണ്ട്.
അബുദാബി കിരീടാവകാശിയും യു.എ.ഇ. ഉപസര്‍വസൈന്യാധിപനുമായ ശൈഖ് മുഹമ്മദ് ബിന്‍ സായിദ് അല്‍ നഹ്യാനെ ഉദ്ധരിച്ച് പ്രവാസി വ്യവസായി എം.എ. യൂസഫലി നല്‍കിയ വിവരമാണ് ചൊവ്വാഴ്ച മുഖ്യമന്ത്രി പിണറായി വിജയന്‍ പ്രഖ്യാപിച്ചത്.
എന്നാല്‍ ഇതിന് പിന്നാലെ ഇന്നലെ വൈകീട്ടോടെ വിദേശ സഹായം സ്വീകരിക്കുന്നതില്‍ നിയമതടസ്സമുണ്ടെന്ന സൂചന കേന്ദ്രത്തില്‍ നിന്നും വരികയായിരുന്നു. ഇതോടെ ഇതില്‍ അവ്യക്തതയും ആശയക്കുഴപ്പവും വന്നു.
മുഖ്യമന്ത്രി നടത്തിയ പ്രഖ്യാപനം ഒഴികെ ഇന്ത്യയുടേയോ യുഎഇയുടേയോ യു.എ.ഇ.യുടെ ഔദ്യോഗിക വാര്‍ത്താ ഏജന്‍സിയുടേയോ ഔദ്യോഗികമായ ഒരു അറിയിപ്പും പുറത്തു വന്നിട്ടില്ലെങ്കിലും കേരളത്തോട് മോദി സര്‍ക്കാര്‍ കാണിക്കുന്ന അവഗണനയുടെ ഒടുവിലത്തെ ഉദാഹരണമായാണ് പ്രവാസികള്‍ ഇതിനെ വിലയിരുത്തുന്നത്.
ഇനി 700 കോടി കിട്ടിയില്ലെങ്കില്‍ പോലും കേരളത്തെയും മലയാളികളെയുംകുറിച്ച് യു.എ.ഇ. വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിന്‍ റാഷിദ് അല്‍ മക്തൂം പറഞ്ഞ നല്ല വാക്കുകള്‍ തന്നെ 700 കോടിയുടെ മൂല്യമുള്ളതാണെന്നാണ് ചിലരുടെ അഭിപ്രായം.
സഹായം സ്വീകരിക്കാന്‍ ഇന്ത്യക്ക് മടിയെന്ന മട്ടില്‍ യു.എ.ഇ.യിലെ അറബ് ഇം ീഷ് മാധ്യമങ്ങളില്‍ പെട്ടെന്നുതന്നെ ഇന്ത്യയിലെ വിവാദം വാര്‍ത്തകളായി മാറുകയും ചെയ്തു. കേരളത്തിലെ ദുരിതത്തില്‍ വിദേശത്ത് നിന്നുള്ള സഹായം ഇന്ത്യ സ്വീകരിക്കുന്നില്ലെന്ന് തായ്‌ലന്റ് അംബാസഡറും ട്വീറ്റ് ചെയ്തിരുന്നു.
സാമൂഹ്യമാധ്യമങ്ങളില്‍ പ്രധാനമന്ത്രിയുടെ ചിത്രം നല്‍കിയിട്ടുള്ള അദ്ദേഹത്തിന്റേത് എന്നു കരുതുന്ന പേജിലും മലയാളികളുടെ വിദ്വേഷ കമന്റുകളുടെ പ്രളയമാണ്. കേന്ദ്ര സര്‍ക്കാരിനും പ്രധാനമന്ത്രിക്കും സംഘപരിവാറിനും എതിരേ പ്രതിഷേധം പുകയുകയാണ്.
സര്‍ദാര്‍ വല്ലഭായി പട്ടേല്‍ പ്രതിമയത്ക്കായി 3000 കോടിയും ശിവാജി പ്രതിമയ്ക്ക് 2000 കോടിയും വിദേശരാജ്യങ്ങളില്‍ പര്യടനത്തിനായി 2000 കോടിയും ചെലവഴിക്കുമ്പോള്‍ കേരളത്തിന് 500 കോടിയാണ് നല്‍കുന്നതെന്നും എന്താ കേരളം ഇന്ത്യയുടെ ഭാഗമല്ലേയെന്നുമാണ് മോഡിയുടെ പേജില്‍ വന്ന ഒരു കമന്റ്.
മോഡി കുടുംബത്തില്‍ നിന്നോ ബിജെിയുടെ ഓഫീസില്‍ നിന്നോ ബിജെപി പാര്‍ട്ടിയില്‍ നിന്നോ അല്ല പണം ചോദിക്കുന്നതെന്നും ഞങ്ങള്‍ നല്‍കിയ നികുതിപ്പണമാണ് ചോദിക്കുന്നതെന്നും ബിജെപി എന്നാല്‍ തലയില്ലാത്തവന്മാര്‍ എന്നാണ് കരുതുന്നതെന്നുമാണ് ഒരെണ്ണം.
കഴിയുന്നെങ്കില്‍ കേരളത്തിന് വേണ്ടി എന്തെങ്കിലും ചെയ്യു. അല്ലെങ്കില്‍ മലയാളികള്‍ നിങ്ങളെ ദേശീയ ദുരന്തമായി പ്രഖ്യാപിക്കുമെന്നായിരുന്നു പ്രധാനമന്ത്രിയുടെ പേജിലെ മറ്റൊരു കമന്റ്.
കേരളത്തിലെ പ്രളയബാധിത പ്രദേശങ്ങള്‍ സന്ദര്‍ശിച്ചതില്‍ അങ്ങേയ്ക്ക് നന്ദി. പ്രളയം ഒരുപാട് ബുദ്ധിമുട്ടിച്ചെങ്കിലും ജാതിയും രാഷ്ട്രീയവും മതവും മറന്ന് ആവശ്യമുള്ളിടത്തെല്ലാം ഞങ്ങള്‍ ആദ്യംമുതല്‍ കൈകോര്‍ത്തു കൊണ്ട് ഓടിയെത്തി.
ഞങ്ങള്‍ക്ക് ്കഴിയാവുന്ന എല്ലാ സ്രോതസുകളേയും രക്ഷാപ്രവര്‍ത്തനത്തിനായി ഉപയോഗിച്ചു. പ്രളയബാധിത പ്രദേശത്ത് എത്തിക്കേണ്ട അത്യാവശ്യ കാര്യങ്ങളായ ഭക്ഷണവും വസ്ത്രവും മരുന്നുകളും എല്ലാം എത്തിച്ചു.
കേരളത്തെ ഞങ്ങള്‍ക്ക തിരികെ കൊണ്ടുവരണം. കൊണ്ടുവരിക തന്നെ ചെയ്യും. കരകയറാന്‍ നഷ്ടം സംഭവിച്ചവര്‍ക്ക് വേണ്ടതെല്ലാം എത്തിക്കുക തന്നെ ചെയ്യുമെന്നും ഒരു കമന്റില്‍ പറയുന്നു.
കേന്ദ്രം വിദേശപണം സ്വീകരിക്കുന്നതിന് എതിര് നില്‍ക്കുന്നു എന്ന പ്രചരണത്തില്‍ പ്രമുഖ രാഷ്ട്രീയക്കാരും ശക്തമായിട്ടാണ് പ്രതിഷേധിക്കുന്നത്. വിദേശപണം സ്വീകരിക്കുന്ന രീതിയില്‍ നിയമം മാറ്റിയെഴുതണമെന്ന് എകെ ആന്റണി പറഞ്ഞു.
അതേസമയം നയം ബിജെപി സര്‍ക്കാര്‍ കൊണ്ടുവരികയായിരുന്നില്ല. 2016 ലെ നാഷണല്‍ ഡിസാസ്റ്റര്‍ പോളിസി പ്രകാരം വിദേശഫണ്ട് സ്വീകരിക്കാന്‍ കഴിയില്ലെന്നാണ് നേരത്തേ കേന്ദ്രം നല്‍കിയ മറുപടി.
കോണ്‍ഗ്രസ് നേതൃത്വത്തില്‍ മന്‍മോഹന്‍സിംഗിന്റെ യുപിഎ സര്‍ക്കാര്‍ കൊണ്ടുവന്ന തീരുമാനം എന്‍ഡിഎ സര്‍ക്കാര്‍ പിന്തുടരുകയായിരുന്നു. പ്രകൃതിദുരന്തം നേരിടാനുള്ള ശേഷി നമ്മുടെ രാജ്യത്തിന് ഉണ്ടെന്ന് പറഞ്ഞായിരുന്നു അന്ന് നയം കൊണ്ടുവന്നത്.

ആശ്വാസം ബിശ്വാസിലൂടെ; ദുരിതാശ്വാസ ഏകോപനത്തിന് എന്‍ജിനീയറിങ് വിദ്യാര്‍ഥി തയാറാക്കിയ വെബ് സൈറ്റ് ഏറ്റെടുത്ത് സര്‍ക്കാര്‍

ആലത്തൂര്‍ Aug 23: ദുരിതാശ്വാസ പ്രവര്‍ത്തനങ്ങള്‍ ഏകോപിപ്പിക്കുന്നതിനുള്ള കേരള സര്‍ക്കാരിന്റെ പുതിയ വെബ്‌സൈറ്റായ കേരള റെസ്‌ക്യു.ഇന്‍ ആവിഷ്‌കരിച്ചതിനു പിന്നിലെ ബുദ്ധി പാലക്കാട്ടുകാരനായ വിദ്യാര്‍ഥിയുടേത്.
ശ്രീകൃഷ്ണപുരം എന്‍ജിനീയറിങ് കോളജ് അവസാന വര്‍ഷ ബി.ടെക് കമ്പ്യൂട്ടര്‍ സയന്‍സ് വിദ്യാര്‍ഥി ബിശ്വാസാണ് ഇതിന്റെ സൂത്രധാരന്‍.
കമ്പ്യൂട്ടര്‍ എന്‍ജിനീയര്‍മാരുടെ കൂട്ടായ്മയായ ഐ ത്രിബിള്‍ ഇ എന്ന കമ്മ്യൂണിറ്റിയിലൂടെയാണ് ആശയത്തിനു തുടക്കം. വാട്‌സ് ആപ് കൂട്ടായ്മയിലെ പത്തുപേരുടെ സഹകരണത്തോടെയാണ് ബിശ്വാസ് പ്രവര്‍ത്തനം തുടങ്ങിയത്.
ഷമീല്‍, വിഘ്‌നേഷ് എന്നീ സുഹൃത്തുക്കളുടെ സഹായത്തോടെ സൈറ്റ് ഡിെസെന്‍ ചെയ്തു. സാമൂഹിക മാധ്യമങ്ങളിലേക്ക് ലിങ്ക് ഷെയര്‍ ചെയ്തതോടെ 10,000 വൊളണ്ടിയര്‍മാര്‍ രജിസ്റ്റര്‍ ചെയ്തു.
ഇതിനായി ജാങ്കോ എന്ന സാങ്കേതിക വിദ്യയാണ് ഉപയോഗപ്പെടുത്തിയത്. ആര്‍ക്കും ലിങ്കിലൂടെ സൈറ്റിലെത്തി സ്വതന്ത്രമായി പ്രവര്‍ത്തിക്കാവുന്ന ഓപ്പണ്‍ സോഴ്‌സ് രീതിയാണ് അവലംബിച്ചത്.
ദുരിതാശ്വാസ പ്രവര്‍ത്തനത്തിനു പോകാന്‍ തയാറുള്ള വൊളണ്ടിയര്‍മാര്‍, മരുന്ന് എത്തിക്കാന്‍ തയാറുള്ളവര്‍ എന്നിവരെ കണ്ടെത്തല്‍ മാത്രമായിരുന്നു ആദ്യം ലക്ഷ്യം. അപ്പോള്‍ മഴക്കെടുതി അത്ര രൂക്ഷമായിരുന്നില്ല. പിന്നീടാണ് വലിയ ദുരന്തത്തിന് സംസ്ഥാനം സാക്ഷ്യം വഹിച്ചത്.
സംസ്ഥാന ഐ.ടി. മിഷനും ഇ-ഗവേര്‍ണസ് മിഷനും ചേര്‍ന്ന് സംസ്ഥാന സര്‍ക്കാരിന്റെ പുതിയ വെബ്‌സൈറ്റായി ഇതിനെ ഏറ്റെടുക്കുന്നത് ഈ ഘട്ടത്തിലാണ്. ഇതോടെ സൈറ്റിലേക്ക് കൂടുതല്‍ പേരെത്തി. ഇപ്പോള്‍ 51,000 വൊളണ്ടിയര്‍മാര്‍ സൈറ്റില്‍ രജിസ്റ്റര്‍ ചെയ്തിട്ടുണ്ട്.
സഹായം അഭ്യര്‍ഥിക്കാന്‍, ജില്ലകളിലെ ആവശ്യങ്ങള്‍ അറിയാന്‍, മരുന്നും ഭക്ഷണവും എത്തിക്കാന്‍, വൊളണ്ടിയര്‍ ആകാന്‍, വിവിധ കേന്ദ്രങ്ങളെ ബന്ധപ്പെടാന്‍, ജില്ല തിരിച്ച് ഇതുവരെ വന്ന അഭ്യര്‍ഥനകള്‍, രക്ഷാപ്രവര്‍ത്തനങ്ങള്‍ക്ക് പ്രചാരം നല്‍കല്‍, മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നല്‍കല്‍ തുടങ്ങിയ വിവരങ്ങള്‍ കേരള റെസ്‌ക്യു.ഇന്നിലൂടെ സര്‍ക്കാര്‍ വകുപ്പുകള്‍ക്ക് കൈമാറുകയാണ് ചെയ്യുന്നത്.
കണ്ണാടി നിരഞ്ജനയില്‍ ഡെപ്യൂട്ടി റേഞ്ച് ഫോറസ്റ്റ് ഓഫീസര്‍ ടി.ജി. ബാബുവിന്റെയും തിരുവാലത്തൂര്‍ വി.എച്ച്.എച്ച്എസ്. അധ്യാപിക സുനിതയുടെയും മകനാണ് ബിശ്വാസ്.

വിദേശ ധനസഹായം സ്വീകരിക്കുന്നതില്‍ തടസ്സമില്ല, തടസ്സം കേന്ദ്രത്തിന്റെ കടുംപിടുത്തം മാത്രം

ന്യൂഡല്‍ഹി Aug 23 : പ്രളയക്കെടുതിയിലായ കേരളത്തിന് യുഎഇയില്‍ നിന്ന് സഹായധനം സ്വീകരിക്കാനാകില്ലെന്ന കേന്ദ്രവാദം പൊളിയുന്നു. ദേശീയ ദുരന്തനിവാരണ പദ്ധതിപ്രകാരം വിദേശ സഹായം സഹായം സ്വീകരിക്കാന്‍ തടസമില്ലെന്നാണ് റിപ്പോര്‍ട്ട്.
വിദേശ രാജ്യങ്ങള്‍ സ്വമേധയാ നല്‍കുന്ന സഹായം സ്വീകരിക്കാവുന്നതാണെന്ന് 2016 ലെ ദുരന്ത നിവാരണ പദ്ധതിയിലാണ് പറയുന്നത്.
സംസ്ഥാന സര്‍ക്കാരുകളുമായി ആലോചിച്ച് കേന്ദ്രസര്‍ക്കാരിന് തീരുമാനം എടുക്കാവുന്നതാണ്. കേരളത്തിന്റെ ഭാഗത്തു നിന്നും ശക്തമായ സമ്മര്‍ദ്ദം ഉണ്ടാകുകയാണെങ്കില്‍ ഈ നയത്തിന് മാറ്റം വന്നേക്കാമെന്ന അവസ്ഥയാണ് നിലവിലുള്ളത്.
കേരളത്തിന്റെ ഭാഗത്തുനിന്ന് ശക്തമായ സമ്മര്‍ദ്ദം ഉണ്ടാകുകയാണെങ്കില്‍ കേന്ദ്രത്തിന്റെ ഇപ്പോഴത്തെ നിലപാടിന് മാറ്റം വന്നേക്കും. ദുരിതാശ്വാസങ്ങള്‍ക്കായി വിദേശ രാജ്യങ്ങള്‍ നല്‍കുന്ന ധനസഹായങ്ങള്‍ സ്വീകരിക്കേണ്ടെന്ന് കേന്ദ്രസര്‍ക്കാര്‍ നേരത്തേ നിലപാടെടുത്തിരുന്നു.
ഇക്കാര്യം വിദേശകാര്യ മന്ത്രാലയം സഹായം നല്‍കാനുറച്ച രാജ്യങ്ങളെ അറിയിച്ചിട്ടുണ്ട്. വിദേശ രാജ്യങ്ങളില്‍ നിന്ന് ധനസഹായം ലഭിക്കണമെങ്കില്‍ കേരളം കേന്ദ്രത്തിനുമേല്‍ ശക്തമായ സമ്മര്‍ദ്ദം ചെലുത്തേണ്ടി വരും.
യു.എ.ഇ 700 കോടി രൂപയും, ഖത്തര്‍ 35 കോടി രൂപയും ധനസഹായം പ്രഖ്യാപിച്ചിരുന്നു ഇതിനു പുറമെ ജപ്പാനും, മാലിദ്വീപും സഹായ ഹസ്തവുമായി രംഗത്തുവന്നിട്ടുണ്ട്.
ദുരന്തങ്ങള്‍ ഉണ്ടാകുമ്പോള്‍ രക്ഷാപ്രവര്‍ത്തനവും പുനരധിവാസവും നടത്താനുള്ള സ്വയം പര്യാപ്തത ഇന്ത്യക്കുണ്ടെന്നും. 2004 നു ശേഷം വിദേശ രാജ്യങ്ങളില്‍ നിന്നും ഏജന്‍സികളില്‍ നിന്നും സഹായങ്ങള്‍ സ്വീകരിക്കേണ്ടതില്ലെന്ന നിലപാടില്‍ ഉറച്ചുനില്‍ക്കുകയാണ് കേന്ദ്രം.

തമിഴ്‌നാട്ടിലെ ക്യമ്പസുകളില്‍ മൊബൈല്‍ ഫോണ്‍ ഉപയോഗിക്കുന്നതിന് വിലക്കേര്‍പ്പെടുത്തി

ചെന്നൈ Aug 22 : തമിഴ് നാട്ടിലെ ക്യാമ്പസുകളില്‍ മൊബൈല്‍ ഫോണുകള്‍ ഉപയോഗിക്കുന്നതിന് കര്‍ശന നിരോധനം ഏര്‍പ്പെടുത്തി. ഉന്നത വിദ്യാഭ്യാസ സെക്രട്ടറിയുടെ ശുപാര്‍ശയെത്തുടര്‍ന്ന് ഡയറക്ടറേറ്റ് ഓഫ് കൊളിജിയറ്റ് എജ്യുക്കേഷന്‍ ആണ് സര്‍ക്കുലര്‍ പുറത്തിറക്കിയത്. Continue reading “തമിഴ്‌നാട്ടിലെ ക്യമ്പസുകളില്‍ മൊബൈല്‍ ഫോണ്‍ ഉപയോഗിക്കുന്നതിന് വിലക്കേര്‍പ്പെടുത്തി”