“സംസ്കൃതി – 2019 “നാഷണല്‍  ‍ കലാമേള ബാലാജി ക്ഷേത്രത്തില്‍ ഇന്ന് – UKMALAYALEE

“സംസ്കൃതി – 2019 “നാഷണല്‍  ‍ കലാമേള ബാലാജി ക്ഷേത്രത്തില്‍ ഇന്ന്

Saturday 6 July 2019 2:07 AM UTC

ബർമിംങ്ഹാം:- സംസ്കൃതി – 2019 നാഷണൽ കലാമേളക്ക് ബർമിംങ്ഹാം ബാലാജി ക്ഷേത്രത്തിൽ അരങ്ങുണരുന്നു. 

ഇന്ന്  രാവിലെ 09 .00  മുതൽ ബർമ്മിങ്ഹാം ക്ഷേത്ര സമുച്ചയത്തിലുള്ള സാംസ്കാരിക വേദികളിൽ  വച്ച്  നടത്തപെടുന്ന കലാ മത്സരങ്ങളിൽ സബ് ജൂനിയർ, ജൂനിയർ, സീനിയർ എന്നീ തലങ്ങളിലായി നൃത്തം, സംഗീതം, ചിത്ര രചന, സാഹിത്യം, പ്രസംഗം, തിരുവാതിര, ഭജന, ലഘു നാടകം, ചലച്ചിത്രം എന്നിങ്ങനെ വിവിധ മേഖലകളിലുള്ള മത്സരയിനങ്ങളിൽ യുകെയുടെ വിവിധ ഭാഗങ്ങളിൽ നിന്നുമുള്ള ഹൈന്ദവ സംഘടനാ അംഗങ്ങളും, പ്രതിഭകളും മാറ്റുരയ്‌ക്കുന്നു.

 രാവിലെ  8  നും 9 നും ഇടയിലായി മത്സരാർത്ഥികൾ  രജിസ്‌ട്രേഷൻ  നടപടികൾ പൂർത്തിയാക്കി ചെസ്ററ് നമ്പറുകൾ കൈപ്പറ്റേണ്ടതാണ്. രവിലെ 9.30 നു പരിപാടികള്‍ ആരംഭിക്കും. മുഖ്യ അതിഥി ശ്രീ രാജമാണിക്യം IAS ഉദ്ഘാടനം നിര്‍വഹിക്കും .

ഭാരതീയ  ഹൈന്ദവ ദർശനങ്ങളെ അടിസ്ഥാനമാക്കി ഒരുക്കുന്ന  ഈ കലാ മാമാങ്കത്തിൽ പങ്കെടുക്കുവാൻ യുകെയിലെ ഹൈന്ദവ സമാജങ്ങളിലെ അംഗങ്ങൾ  ഓരോരുത്തരെയും സ്വാഗതം ചെയ്തുകൊള്ളുന്നു.

പ്രവാസ ലോകത്തു വിവിധ മേഖലകളിൽ കഴിവ് തെളിയിച്ച ഓരോരുത്തരുടെയും ഉള്ളിലെ കലാപരമായ അംശങ്ങളെ മുഖ്യ ധാരയിലേക്ക് കൊണ്ട് വരികയും ആദരിക്കുകയും  ചെയ്യുക എന്നുള്ളതാണ് സംസ്‌കൃതി 2019 ന്റെ മുഖ്യ ലക്ഷ്യങ്ങളിൽ ഒന്ന് എന്ന് സംഘാടകർ വ്യക്തമാക്കി .

മത്സരങ്ങൾക്ക് ശേഷം വൈകുന്നേരം നടക്കുന്ന സാംസ്കാരിക സമ്മേളനത്തിൽ വച്ച് മുഖ്യാതിഥികൾ ആയ ശ്രീ രാജമാണിക്യം IAS,  ശ്രീമതി നിശാന്തിനി  IPS എന്നിവർ – വിജയികൾ, കലാ പ്രതിഭ, കലാ തിലകം എന്നിവരെ പ്രശസ്തിപത്രം,  ഫലകം എന്നിവ നൽകി ആദരിക്കുകയും അനുമോദിക്കുകയും ചെയ്യുന്നതായിരിക്കും.

എല്ലാ മത്സരാർത്ഥികളും,സഹൃദയരും അഭ്യുദയകാംക്ഷികളും  രാവിലെ കൃത്യ സമയത്ത് തന്നെ എത്തിച്ചേരണമെന്ന് ഭാരവാഹികൾ അറിയിച്ചു.

CLICK TO FOLLOW UKMALAYALEE.COM