കോസ്മോപോളിറ്റൻ ക്ലബ്ബിന്റെ മൂന്നാം വാർഷികം  – UKMALAYALEE

കോസ്മോപോളിറ്റൻ ക്ലബ്ബിന്റെ മൂന്നാം വാർഷികം 

Wednesday 15 January 2020 4:46 AM UTC

രാജീവ് പോൾ 

BRISTOL Jan 15: യുകെയിലെ പ്രമുഖ സോഷ്യൽ ക്ലബ്ബായ ,ബ്രിസ്റ്റോൾ കേന്ദ്രമാക്കി പ്രവർത്തിക്കുന്ന കോസ്മോപോളിറ്റൻ ക്ലബ്ബിന്റെ മൂന്നാം വാർഷികവും ,ക്രിസ്മസ് പുതുവത്സരാഘോഷവും ജനുവരി പതിനൊന്നിന് ,മൂന്നുമണിക്ക് പ്രമുഖ സംഗീതജ്ഞയായ ശ്രിമതി ദുർഗ രാമകൃഷ്ണൻ ഉത്‌ഘാടനം ചെയ്യും .

ഉത്‌ഘാടന ചടങ്ങിൽ ക്ലബ് പ്രസിഡന്റ് ശ്രീ ജോസ് മാത്യു അധ്യക്ഷത വഹിക്കും , ക്ലബ്ബ് സെക്രട്ടറി ശ്രി ഷാജി കൂരാപ്പിള്ളിൽ മുഖ്യ പ്രഭാഷണം നടത്തും ,ക്ലബ്ബ് ട്രെഷറർ ശ്രി ടോം ജോർജ് പോയ വർഷത്തെ ക്ലബ്ബിന്റെ പ്രവർത്തനങ്ങളെപറ്റി സംസാരിക്കും .

ആഘോഷത്തടനുബന്ധിച്ചു വൈവിധ്യമാർന്ന കലാപരിപടികളാണ് കാഴ്ചവെയ്ക്കുക . ശ്രി ദേവലാൽ ,ശ്രിമതി സിന്ധു ,ശ്രിമതി ശീതൾ എന്നിവരുടെ നേതൃത്വത്തിലെ ഓർഗനൈസിംഗ് കമ്മിറ്റി ആണ് പരിപാടികളുടെ മേൽനോട്ടം വഹിക്കുക

കല സാംസ്‌കാരിക , സന്നദ്ധ സേവന രംഗത്ത് പ്രവർത്തിക്കുന്ന ഒരു പ്രമുഖ സംഘടനയാണ് കോസ്മോപോളിറ്റൻ ക്ലബ്ബ് .

ക്ലബ്ബിന്റെ ആഭിമുഖ്യത്തിൽ കോസ്മോപൊളിറ്റൻ മൂവീസ് നിർമ്മിക്കുന്ന ശ്രി സോബി ജോസഫ് ഛായാഗ്രഹണവും ,ചിത്രസംയോജനവും നിർവഹിച്ചു ശ്രി ജി രാജേഷ് രചനയും സംവിധാനവും നിർവഹിക്കുന്ന “സെറീൻ “എന്ന മലയാള ഹൃസ്വചിത്രത്തിന്റെ ചിത്രീകരണം നടന്നു വരികയാണ് .

ഈ ചിത്രത്തിലെ ഗാനം കോസ്മോപോളിറ്റൻ മൂവിസിന്റെ യൂട്യൂബ് ചാനൽ ഡിസംബർ ഇരുപത്തി അഞ്ചിന് റിലീസ് ചെയ്തിരുന്നു .

ഗാനം കേൾക്കാനായി ഈ യൂട്യൂബ് ലിങ്കിൽ ക്ലിക്ക് ചെയ്യുക
https://www.youtube.com/watch?v=UNODP152M60

CLICK TO FOLLOW UKMALAYALEE.COM